芊如在東方日報的專訪 (3大輪后華麗轉身後 各自各精彩)

芊如有一段時間沒有和傳謀朋友見面, 其實並不是如記者說的人間蒸發, 只是工私兩忙; 直至近日因為渣打關閉其輪證業務, 傳謀朋友們想做一個輪后淡出輪場後的專訪, 所以有幸再與大家update我的近況, 其實芊如很喜歡華麗轉身這詞彙, 希望我的精彩人生陸續有來

說開近況, 其實芊如除了用個人的FB和Blog去分享食譜和飲食心得外, 近日更加研究如何將天然養生食材入饌; 機緣巧合下, 朋友的保健食材公司引進了天然野生的黑枸杞, 他被譽為花青素之王外, 亦有軟黃金之美譽, 是最適合女性的保健養生產品! 當下真的一試愛上, 亦認為應該去讓更多朋友認識到黑枸杞對身體帶來的好處, 所以便開始了我的新嘗試!

以下是節錄自東網關於我的文字部份, 全文可點擊以下連結:
http://hk.on.cc/hk/bkn/cnt/finance/20151101/bkn-20151101171654312-1101_00842_001.html

東網電視視頻, 可點擊以下連結:
http://tv.on.cc/hk/index.html?s=2&i=OBZ-151031-13989-34M&d=1446376766

3大輪后華麗轉身後　各自各精彩

輪場音樂椅又再轉動, 業界裁員潮一浪接一浪, 上星期輪到渣打剁走輪證業務玩瘦身, 孖妹知道消息後不禁落寞。

之不過, 輪證職場輪后輩出, 其實有唔少淡出後都活得精彩, 我哋約咗三位前輪后Girls Talk, 睇吓佢哋今期搞邊科!

進軍食療界不講金
F: 前荷蘭合作銀行股票衍生部助理董事 陳芊如（Fiona, 前稱陳佩雯）
彩兒: 自從荷合淡出輪證市場後, 你好似人間蒸發咁, 好彩搵得番你咋！

F: 離開荷合後, 曾經喺一間上市公司做投資者關係工作, 當時要接觸分析員, 亦要幫手處理業績公布, 好多時都會應對一啲突發事件, 份工都幾有挑戰性, 學到唔少嘢! 喺嗰陣, 我開始諗自己嘅人生應該點過, 希望做同自己興趣相關嘅工作。

係你都知啦, 我好鍾意煮嘢食（口架）嘛, 見到好嘅食材就最開心, 咪開始寫Blog分享自己嘅食譜, 研究點樣將天然養生食材入饌, 仲同烹飪網站合作, 近幾星期終於轉咗工, 入咗朋友從事保健食材生意嘅公司——鑫億國際擔任營銷總監, 依家日日對住西藏冬蟲夏草、青海黑枸杞呢類產品, 雖然人工唔及做金融界咁高, 但卻增添唔少正能量。

密謀推廣 冀助上市
彩兒: 放棄輪后身份, 第日咪好難見到你?
F: 隨住衍生產品需求下滑及式微, 市場不斷收縮, 我都冇刻意要重返輪場。家人係廚藝高手, 細細個我就喺廚房門口偷睇媽咪煮飯, 大個咗就開始跟大師傅上烹飪堂, 連去泰國旅行都要上堂學煮泰國菜, 以前都有考慮過搞私房菜, 礙於香港租金同人工太貴就打消念頭。近年鑫億銳意擴張生意, 希望不久嘅將來可以扶助佢上市, 現時我正密謀推廣公司產品, 唔排除第日會做埋Youtuber, 哈哈!

彩兒: 每日由對住輪證, 變成對住食材, 返工習慣嗎?

過往經驗 學以致用
F: 我讀工商管理出身, 畢業後做投行行政助理, ○六年加入荷合, 初時做行政工作, ○八年先轉過去衍生部工作, 當時任職衍生工具部, 除咗要熟悉公司產品外, 亦要留意競爭者產品, 若有牛熊證打靶, 更要適時補充迎合市場需求嘅產品, 仲不時會落證券行探散戶、搞講座; 其實依家嘅工作性質同以往都幾似, 我每日都落門市認識產品, 勤力「做功課」, 而且客戶多數係媽媽級, 同以往對開嘅散戶年齡層差唔多, 都尚算得心應手。